"Ақтау теңіз порты" АЭА аумағында ҚР Премьер-министрі Асқар Маминнің қатысуымен метанол мен олефиндер өндіретін зауыт құрылысына капсула салу рәсімі өтті.

Жобаны сингапурлық «WestGasOil» компаниясы жүзеге асырады, инвестициялар көлемі – $1,8 млрд. Зауыттың қуаттылығы – жылына 300 мың тонна метанол мен 600 мың тонна олефин. Құрылыс кезеңінде 4000 жұмыс орны ашылады, 2023 жылы пайдалануға берілгеннен кейін 2023 жылы кәсіпорын қызметкерлері 650 адамды құрайтын болады. 

Шығаруға жоспарланған өнім газ-химия өнеркәсібі үшін шикізат ретінде кеңінен пайдаланылуы мүмкін және Маңғыстау облысында газ-химия өнеркәсібін одан әрі дамыту үшін шешуші болып табылады және шикізаттық емес экспортты ұлғайтуға ықпал ететін болады.

Жобаны іске асыру Маңғыстау облысының бюджетіне салықтық түсімдерді арттырады, газ-химия секторына шетелдік инвестицияларды тарту жөніндегі тетікті іске қосады, бұл жалпы өңірлік өнімнің ұлғаюына сөзсіз ықпал етеді және халықты жұмыспен қамту мен жұмыссыздық деңгейін төмендету бөлігінде маңызды әлеуметтік мәселелерді шешуге септігін тигізеді.